Aadaab Dosto !!
Swagat Hai aap sab ka Sunehre Pal me..
Aur waade ke mutabit hum hazir hai aap ki kalaam ke sath jo aap ne bade pyar aur mehnat se likhi thi mushaire k liye.
Es muqable ko Trahi Mushaira kaha jaata hai aur es ke rules kuch is tarha se hai ke diye gaye misre ko apni nazm me istemal karna hai aur usi zameen per poem likhni hai aur wo bhi radeef aur qafiya sahi tarhe se nibhate huwe.
es maah ka hamara diya gaya misra tha " Main unse keh raha hu mujhe yaad kijiye "
Toh voting shuru ki jaye ?? Yaad rahe vote karne ki aakhri tarikh hogi 15th Aug..aur aap ko jeetana hai sab se umda nazm ko jo ke waqhi kabil ko jeet ne ke.
Swagat Hai aap sab ka Sunehre Pal me..
Aur waade ke mutabit hum hazir hai aap ki kalaam ke sath jo aap ne bade pyar aur mehnat se likhi thi mushaire k liye.
Es muqable ko Trahi Mushaira kaha jaata hai aur es ke rules kuch is tarha se hai ke diye gaye misre ko apni nazm me istemal karna hai aur usi zameen per poem likhni hai aur wo bhi radeef aur qafiya sahi tarhe se nibhate huwe.
es maah ka hamara diya gaya misra tha " Main unse keh raha hu mujhe yaad kijiye "
Toh voting shuru ki jaye ?? Yaad rahe vote karne ki aakhri tarikh hogi 15th Aug..aur aap ko jeetana hai sab se umda nazm ko jo ke waqhi kabil ko jeet ne ke.
Poem 1
Yaadein sameyt lijiye yun na fariyaad kijiye
Main unse keh raha hoon mujhe yaad kijiye
Damaan main sameyti hai tere liye khushi
Ishq ki iss naiyaa ko zara imdaad kijiye
Tanhaiyo ne seekhaya hai hume muskurana
Meri iss dewaangi ki to zara daad dijiye
Gar kaho to main mehka doon raatien tumhari
Tanhaa guzaar kar inhe youn na barbaad kijiye
Labon par rehta hai sirf or sirf zikar aapka
Meri iss dewaangi par kuch toh aitmaad kijiye
Hum toh aapki yaadon mein khoye rehte hain
Chupke hi sahi,humse milne ki muraad kijiye
Poem 2
Mein unse keh raha hoon mujhe yaad kijiye
Unko yeh zid ke huzoor fariyaad kijiye
Na milte na bulate na chhipte na dikhte
Is tarq-e-ta'aalluq ka sabab irshaad kijiye
Takht-o-taaj-o-laal-o-jawahar ke kiya maani
Ho sake to mere mehboob yeh dil abaad kijiye
mausam-e-Ishq aur yeh paas-e-rawadari
Shabaab-o-jawaani ko na yun barbaad kijiye
Chaliye uthiye miyan chalein kisi aur des
sanam kade ko janaab ab khairabaad kijiye
Poem 3
Mein un sey keh rahaa hoon mujhe yaad kijiye
Zindagi se har gham ko Aaba-o-ajdaad kijiye
Aaba-o-ajdaad=extraction
DeewaaroN mein ghira ghar veeraaN hain mera
Apane khadamoN se tum aakar aabaad kijiye
Meri daastaan-e-ulfat hain tumse he toh sanam
Chaahe toh sar-e-aam isey roodaad keejiye
roodaad=statement
Ham tadaptey hain aapko dil mein apne rakhne
Kabhi mere dil mein basne ki muraad keejiye
Yeh zindagi binaa aapke hain kuch bhi nahi
Nahi aa sake toh khatm meri miyaad keejiye.
miyaad=time
Keh deejiye ki ham sahi hain sabhe saamne,
Yaa phir Hadaf-e-naavak-e-bedaad keejiye.
Hadaf-e-naavak-e-bedaad= na insaafi
Poem 4
Mere marne se pehley ek baar mujhe pyar kijye
'' Mein oon sey keh rahaa hoon mujhe yaad kijiey ''
tere chaale jaane se yeh zingadi veeran si ho gaye hai
aapne pyar se iss zingadi ko phir se aabaad kijiye
teri raahon main bathey hain palkey beechaye hue
aa kar pass hamare hume is gume-e-tanhyee se azaad kijiey
aapni zingadi se baadkar chhah hai humne tujhe
hamari iss chhahat ka ek baar to ehsaas kijiye
tere aagosh main hi dum nikle aarzoo hai humari
aap bhi hamare liye bas yehi fariyaad kijiye
reh reh kar yaad satati hai teri is deewaane ko
aae shamma apni loa se jaala kar hume khak kijiye
'' Mein oon sey keh rahaa hoon mujhe yaad kijiey ''
Poem 5
chahton ka nagar phir se abaad kijiey
main unse keh raha hoon mujhe yaad kijiey
gar ho sake to khud ko sanbhaliye janaab
yun na sang dilon ke saamne fariaad kijiey
mumkin hai chaand uttar aaye zamee.n par
naazuk labbon se ik dafa irshaad kijiey
ho griftaar aap bhi mohabat ki qaid mein
pinjre mein rehke khud ko na sayaad kijiey
wo laut ke na aaiynge dekhna ab kabhi
unke liye na dil ko yun nashaad kijiey
Poem 6
maiN unse keh rah hooN mujhe yaad kijiye
kuch tu iss barbaad dil ko shaad kijiye
-shaad=khush
hum per hay laazim aapki aseeri magar
iss qaid-e-tanhayi se tu azaad kijiye
-aseeri=griftaari/arrest
jab hoye raakh aag-e-ishq meiN jal ker
woh keh rahaye haiN koi faryaad kijiye
yoN tu tehray wafadar hum bhi aap bhi
wafa-o-jafa ki aaj zara taAdaad kijiye
-taAdaad=quantity count karna
tahayat nakaam panay meiN apki rifaqat
lehad tu apnay ehsaas se abaad kijiye
-lehad=qabar
is dukhi zeest ka koi anjaam ho akhir
chalye yehi sahi humaiN barbaad kijiye
Poem 7
Dil Ke Viraane Angan Ko Phir Abaad Kijiye
Main Unse Keh Raha Hu Muje Yaad Kijiye
Aab Phir Utha Hai Sar Katwane Ka Janoon
Puri Ho Yeh Hasrat Bhi, Yahi Fariyaad Kijiyee
'O' Aapne Dard Ki Dastan Likhne Wale
Kuch Mere Bhi Jakhmo Ka Hisaab Kijiye
Is Kadar UjaRu Ke Kuch Naa Bachey Tere Siwaa
Jo Kijiyee To Is Kadar Muje Barbaad Kijiyee
Jindagii Ke Thapero Se Wo Khoo Chukaa Hai Apni Rangat
Phir Chu Kar Aapne Honton Se, Us Se Gulab Kijiyee
Hai Fitrat Yahi "Takalus" Ki, Wo Bas Jiyaa Hi Hai Is Kadar
Nafraat Ho To Be-Intehaa Ho, Mohabbat Kijiyee To Be-hisaab Kijiyee
Poem 8
Duniya ka sataya hova hoon,aap na barbaad kijiey.
Dard-e-dil se majboor hoon, thoda widaad kijiey..
Zulm-o-Sitaam tere aur zakhm-e-jigar mere.
Aap har-bar yu na hamein naa-shaad kijiey.
Na hai zikr unke lab-pe,Na kiya muraad koyee...
Mein oon sey keh rahaa hoon mujhe yaad kijiey..
Be-sabaab Ashq na bahao,bazm-me mere naamke..
Gar-agar hai Gila humse tu Faryaad kijiey.
Sub-laut chuka hai aur na barbaad kijiey..
Gar hai agar yaar tu thoda imdaad kijiey..
dhoonthe-hai sahara mere raqeebo ki gali..
khade hai raazdaan,hampe bhi Etamaad kijiey....
Widaad=Love.
Naa-shaad=Sad.
Muraad=disere,wish.
Faryaad=Complain.
Imdaad=Help.
Raqeeb=Enemy.
Raazdan=Friends.
Etamaad=trust.
Poem 9
Yeh jo shor sunai deta hai teri bazm me Mani,
Main oon sey keh rahaa hoon mujhe yaad kijiey.
Meri zindagi me phir aa jayiye, kuch pal hi sahi,
Uske baad bhale hi mujhe barbaad kijiey.
Sah lunga aapka har zulm, aa to jayie
Uske baad mere sath koi be-daad kijiey.
Main yaad karooN, aisa dastoor to nahi,
Par ek baar bhool jaane ki fariYaad kijiey.
Qaid hun main kuch waaydoN ke jangal me,
Bas Ek baar aakar mujhe aazaad kijiey.
Maalum hai ki a yyaam aapke bhi suthre nahi hai,
par mere jaane ke baad hi koi fasaad kijiey.
Mujhe to bhula hi diya hoga aapne,Khush Rahiyega,
ab zara khudko bhoolne me meri imdaad kijiey.
Ghamon ke sailaab bhi paar kar jayenge aap,
Musarrat Paane ka ek naya tareeqa ijaad kijiey.
be-daad - cruelity
imdaad - assistance
ayyaam - days, life
suthre- beautiful
Musarrat - Happiness
