SunehrePal - Sher-o-Shayri, English Poetry, Jokes, Wallpapers, Bollywood Masala, Lyrics and more

SunehrePal - Sher-o-Shayri, English Poetry, Jokes, Wallpapers, Bollywood Masala, Lyrics and more > SunehrePal > Competition Zone > Mushaira

Amaan

Oct 3 2007, 01:54 PM

Salam doostooN

ji to aap sab k saamnay ek baar phir se ek contest laikar haazir haiN hum, jiska unwaan/theme/khiyaal
SHAB-E-TANHAYI
rakha gaya tha is baar

Shab-e-tanhayi... ummmm... tareek dil dehla denay waali khamooshi aur bheegi palkoo se sehar ko aatay dekhna, is raat ka tu aalam wohi jaanta hay jo is dard ka maara ho, magar shayar tu wohi jo zaroori nahi apni beeti per hi likhay balkay khudh se bohat se halaat aur khiyaal mehsoos karkay bhi likhta hay

tu inhi khiyaal aur koshish k saath ek baar phir hum meiN se kuch doostooN ne apni apni koshish ki aur apna qeemti waqt diya is contest ko, kuch enteries aur bhi aayen magar deadline khatam hojanay k baad tu un se sirf itna hi k jab aapko maloom hay k deadline 2nd october hay aur aap agar thora late hosaktay thay tu pehlay inform kardete pm karkay k aap 3rd october tuk kardaingay phir accepted thi magar ab nahi sorry is k liye

ab yeh shab e tanhayi meiN yaadooN ki baraat dard k sailaab aur aansooN ki baarish hoti hay jaise

Shab ke jaage hue
Hijr ki aaghosh main
Shab-e-tanhaai main
Jee ko jalaate rahe..
Rooh ko tadpaate rahe
yaadon ko sulgaate rahe..
aarzuon ko mehkaate rahe
shamma ki tarha jalte rahe..
katra katra pighalte rahe...
Yaad-e-maazi ke lamhe
Dil ko tarsaate rahe...
Is gamnaak kafas main
Raat bhar sisakte rahe
Khud ko behlaate rahe
Harjaai ki yaad main...
Ashkon ko peete rahe
Yunhi ghut ke jeete rahe..
nm

tu kahi koi apni tanhayi k lamhaat meiN apnay mehboob ka ehsaas mehsoos karkay kuch lateef se jazbaat ko talaashta hay jaise

aaj iss raat chalo kuch ho jaaye
ek doojay meiN kahi kho jaaye

mudatoN baad ayi hay yeh raat
na ajaye sehar hum ek ho jaaye

sard mausam ne bhi li angraayi
behke jazbooN meiN kho jaaye

na milna ho shayad baad-e-sehar
chalo is raat hum duno ek ho jaaye

beeti raat inhi khiyaloN meiN Amaan
dhali shab-e-tanhayi chal so jaaye

tu kabhi tanhayi ko hi apna humsafar bana liya jaata hay

jurm-e-wafa ki khoob saza hay paayi
aaj main hoon aur yeh shab-e-tanhayi

milan ki Aaas mein zindagi raiza raiza hoyi
chahat teri thi per mili tere naam ki tanhayi

saath rehnay ki qasam khoob hay nibhaayi
bana k mehfil apni, dee hay mujhay tanhayi

mubarak ho tumhain yeh mehfil rang-o-ranaayi
karlaite hain naam apne tere hisay ki bhi tanhayi

kehdo jaa k uss se na samjhay tanha Amaan ko
naye safar k raahi hain Main aur Meri Tanhayi

tu koi is ishq o mohabbat se dour bas is khudaayi k khuda ki yaad meiN raatooN ko tanha uskay saamnay girgiraata hay

Tu kuch inhi khiyalooN aur koshishooN k saath haazir haiN humaray members aapk saamnay, parhiye, mehsoos kijiye aur jisay aap bethar samjhaiN usay vote kijiye

Filwaqt voting open nahi hoyi, voting 2 din baat shuru hogi tab tuk aap sab enteries aaram se parh saktay haiN

Ab mujhe aur meri team ko ijaazat

Apna bohat sara khiyaal rakhiyega

Allah hafiz

Sunehre Pal Team

Amaan

Oct 3 2007, 08:56 PM

1---By M.S ji

Shab-e-tanhayi main bait ke ek diya jalaya hai..
Khushiya tu ayii na raas, gham bohaat bhaya hai...

Raazdaan tu koii mera raha nahi,Raqeeb hi sahii...
Zindagi main mohabat nahi,Nafraton ko azmaaya hai..

Hothe jo tum yaha tu dard-e-jigar dikha-dethe..
Karke tujhe yaad Tanhayi main Ashq bahaya hai..

Reh jaye bhaqi kuch zulm bhare armaan,Tu Ajaana..
Ham milenge tumhe wahi jaha tanha chod-aaya hai..

Tera naam lab pe aur yaadain basi hain dil main..
Chahe ke bhi tujko zalim,yeh dil na bhulpaya hai..

2---By Manisha ji

Yeh kaisi shab e tanhai aaj phir laut aai
Kyun teri yaadon se chahat phir laut aai

Hui zindagi jaise behti leheren sahil par
Hai yeh pagli hawa aaj hume kis mor lai

Kaab se meri yeh aakhe nahi hai soo saki
Jane konsi neend inn ankho main utar aai

Tumne kabhi na jana haal kaisa hai mera
Phir kyu aaj teri chahat mere dil par chaai

Chahi hai teri khushi humne har kadam pe
Raho salamat yahi dua aaj hai lab par aai

3---By Amaan ji

shab bhar rootay rahaye main aur meri tanhayi
yohi galay miltay rahaye main aur meri tanhayi

shab-e-tanhayi hay tohfa wafa ka ahl-e-wafa ko
bas yehi sochtay rahaye main aur meri tanhayi

hijr ki lambi raatooN meiN tujh se aay hamnafs
hamkalam hotay rahaye main aur meri tanhayi

hawaoN meiN bikhray sang tere guzray waqt k
ek ek pal pirotay rahaye main aur meri tanhayi

chup gaya chaand hoyi rukhsat tarooN ki baraat
kiya kiya khootay rahaye main aur meri tanhayi

jaanay kab aajaye kaza apni aalam-e-hijr meiN
orh k kafan sootay rahaye main aur meri tanhayi

4---By Aarzoo ji

Tere lams ki hiddat ko jab tarasti hun main
Shab ki tanhaai main bohot tadapti hun main

Tilismati raat ka jadoo chaaya jaan-e-jaan
Teri aagosh main bikharne ko machalti hun main

Shab-e-hijr ki raat aur ye tanhaai ka aalam
Tere na hone se toot ker bikherti hun main

Jaanti hun tera wajood sairaab-e-tanhaai hai
Phir bhi tere ehsaas se ji behlaati hun main

Wasl ki raat bistar pe karwaton main guzar gai
Har shab kuch issi aalam main dehakti hun main

Tere jism ki khushboo se mehekta hai tan-man
Tere qurb ki chah main har shab sulagti hun main

5---By Raj ji

bass terii hii yaad hogi or shab-e-tanhaii hogi
taaron ki baraat hogi or shab-e-tanhaii hogi......

thak ke bhuj jaynge jab chiraag umeedo.n ke
unse mulakaat hogi or shab-e-tanhaii hogi......

waqt rukhsati ka hoga tere jaano.n pe sar hoga
lab pe ik fariaad hogi or shab-e-tanhaii hogi......

kazaa dulhan bani hogi mere sar pe kafan hoga
apnii suhaag raat hogi or shab-e-tanhaii hogi.......

chaar suu saaye honge apne bhii praaye honge
zullmat-e-hayaat* hogi or shab-e-tanhaii hogi.......

mai hogi paimana hoga dil dard ka khazana hoga
phir tumhaari baat hogi or shab-e-tanhaii hogi........

kaagzo.n pe bikhre lafaz jab gazal ban jayenge
shayri ki shuruaat hogi or shab-e-tanhaii hogi..........

6---By Notorious (Warda) ji

Ya Khuda tujhe main dhoondoon k iss shab tanha hoon main
Ya ilaahi, tujhse maufi maangoon k iss shab tanha hoon main

Bhatak gayi thi main shaitaaniyat ki taraf bina kuch soche
Teri dehleez par aansu bahaa loon k iss shab tanhaa hoon main

Barson se na yeh dil dharka na maine tujhe koi awaaz di
Aaj tu mujhe, main tujhe pukaaroon k iss shab tanha hoon main

Jab Tu saath chalta raha toh teri kabhi kadar hi na ki maine
Dua hai aaj tujhe phir se paa loon k iss shab tanha hoon main

Ya ilaahi, ho meri bhi yeh dua kabool k akeli hoon tere bin
Ibaadat teri mein mile mujhe sakoon k isss shab tanha hoon main

Ya Khuda, sirf tujhi ko soch loon k iss shab tanha hoon main
Ya ilaahi, sirf tujhi ko dekh loon k iss shab tanha hoon main

7---By Saira ji

Gumnami ki is duniya may apna wajood dhundna chati hun,
virane se saji is jahaan may khushiya sametna chati hun. . .

hai sab yahan katputliya,rachaiye hue zindagi ke is khel may,
fir bhi apna muqaddar apne hathon se likhna chaati hun. . .

rishto ke is bheed may nahi koi akela,per hai fir be sab tanha,
aaj in saare fareebi rishto se mai najaat pana chathi hun. . .

bebasiyo ke alam may dekha hai naino ne bhikre hue sapno ko,
fir bi roushni ka diya jalakar chahato ko talaash karna chathi hun.. . .

na karao mujhe mulaqaat koi iss shab-e-tanhayi se,
haan main hoon tanha magar main mehkna chahti hun

8---By Sam Andrews ji

Tanhaiye ki yeh kuch aisi ajab raat hai
Tujhse judi hui har yaad mere saath hai

Kis kadar ki thi mohabbat humne tumse
Soch kar hui aaj ashqon se mulaqaat hai

Kaisa junoon tha us ishq mein dil ro aya
Machal utha phir se har woh jazbaat hai

Tu mujhko bewafa keh gayi, gar chahna
bewafaiye hai toh bewafaiye ki raat hai

Tadap raha hai tanha chand bina chandni k
Is andheri raat mein aaj kuch aur hi baat hai

Yun ae zindagi mujhe akela chordh diya tune
Ke kafan odh rahi mujh par aaj yeh raat hai

Warda

Oct 4 2007, 04:22 AM

hello hello...!

congratulations too all who participated because there has definitely been a form of improvement from last month. just this shows how much we are all improving through participation and reading, and hats off to you all

. Good luck, but you are all winners for having been brave enough to write and submit.

reputation points for you all!!!! (after the contest since i am not allowed to disclose the names yet...but reps mere ooper udhaar rahe!)

Beautiful poems...just astonishing thoughts, and definitely a few different perspectives taken here too. just an awesome job you all

SO now, to the rest of the members, have fun reading them, consider them all, which one makes you think or feel the most? vote the one you felt really deserved it on words, rather than finding out who wrote it....!

you've got a nice variety this time, so do be considerate and give each poem equal attention when making your decision.

Good Luck To All Participants

aarzoo

Oct 4 2007, 05:40 AM

Wowwwwwwwww Superb collections of treasures.....All The Best Everyone...Chaahe koi bhi jeete........Par har ek ne dil se likha hai..Would love to congratulate for this superb collection of poems....Hmmmmmmm Me waiting eagerly..May the best win.......

Roja

Oct 4 2007, 07:45 AM

Excellent work Amaan

Its very orgnised and beautifully arranged, good job

M.S

Oct 4 2007, 11:32 AM

Amazing.......... Rgds,

This is a "lo-fi" version of our main content. To view the full version with more information, formatting and images, please click here.